Дэлхийн хамгийн том крипто биржүүдийн нэг болох Coinbase Их Британид үйл ажиллагаагаа өргөжүүлэх шинэ зөвшөөрлийг олж авлаа. Энэхүү лицензийн хүрээнд тус бирж нь крипто валютын арилжаанаас гадна уламжлалт хөрөнгө оруулалтын үйлчилгээг хэрэглэгчиддээ санал болгох юм.
Шинэ зөвшөөрлийн дагуу байгууллагын харилцагчид perpetual futures буюу хугацаагүй фьючерсийн арилжаанд оролцох боломжтой болж байна. Мөн Их Британийн жижиглэнгийн худалдааны хэрэглэгчид тус платформоор дамжуулан хувьцаа арилжаалах боломж бүрдэж байгаа юм.
Coinbase нь одоогоор хэрэглэгчиддээ крипто хөрөнгийн арилжааны үйлчилгээг голчлон үзүүлдэг платформ бөгөөд энэхүү алхам нь тэдний үйлчилгээний цар хүрээг уламжлалт санхүүгийн зах зээл рүү тэлж буй томоохон үйл явдал болж байна.
