Дэлхий дахины залуусын дунд тренд болж буй реппер Doja Cat (жинхэнэ нэр нь Амала Ратха Зандилэ Дламини, Америкийн дуучин, реппер, дуу зохиогч) болон поп од Lady Gaga (жинхэнэ нэр нь Стефани Жоанн Анжелина Жерманотта, Америкийн дуучин, жүжигчин, дуу зохиогч) нар хамтран “Runway” хэмээх шинэ сингл дуугаа гаргахаар болсон байна. Энэхүү дуу нь 2006 онд нээлтээ хийж, загварын ертөнцийн харгис хэрцгий байдлыг харуулсан “Devil Wears Prada” киноны хоёрдугаар ангид зориулагджээ.
“Devil Wears Prada” кино нь Мэрил Стрип, Энн Хэтэвэй нарын гайхалтай тоглолтоор үзэгчдийн сэтгэлд хоногшсон билээ. Киноны үргэлжлэлийг хэзээ гаргах талаар албан ёсны мэдээлэл гараагүй байгаа ч дуучид киноны трейлер дээр “Runway” дууны хэсгээс цацсан нь үзэгчдийн хүлээлтийг улам нэмэгдүүлж байна.
Doja Cat сүүлийн үед хэд хэдэн шинэ уран бүтээл гаргаж, шүүмжлэгчдээс өндөр үнэлгээ авч байгаа билээ. Тэрээр өөрийн өвөрмөц стилээрээ залуу үеийнхний дунд маш их алдартай. Харин Lady Gaga бол дэлхийн хамгийн алдартай поп дуучдын нэг бөгөөд олон арван жилийн турш хит дуугаараа биднийг баясгаж ирсэн билээ. Тэдний хамтарсан дуу нь ямар байх бол гэдэг нь олон нийтийн анхаарлыг татаж байна.
