Дэлхий дахинд алдартай Британийн Oasis хэмээх рок хамтлаг 1990-ээд оны үед хит дуугаараа шуугиан тарьж, олон сая фэнтэй болсон билээ. Хамтлагийн гишүүн асан Алан Уайт (Alan White) болон Пол МакГиган (Paul McGuigan) нарыг Рок-н-Роллын алдартнуудын танхимд оруулахаар болжээ.
Анхны жагсаалтад эдгээр хоёр гишүүн багтаагүй байсан нь фэнүүдийн дургүйцлийг хүргэсэн юм. Учир нь тэд хамтлагийн хамгийн оргил үед тоглож байсан бөгөөд Oasis-ийн амжилтад үнэтэй хувь нэмэр оруулсан билээ. Фэнүүд нь тэднийг “Guigsy” болон “Whitey” гэж хочилдог.
Рок-н-Роллын алдартнуудын танхим нь хөгжмийн ертөнцөд томоохон хувь нэмэр оруулсан уран бүтээлчдийг алдаршуулах зорилготой байгууллага юм. Oasis хамтлаг өөрөө аль хэдийнээ энэ танхимд багтсан бөгөөд Алан Уайт болон Пол МакГиган нарын нэрс нэмэгдсэн нь хамтлагийн фэнүүдийн хувьд баяртай мэдээ болж байна.
Энэхүү шийдвэр нь Oasis хамтлагийн хөгжимд оруулсан хувь нэмрийг үнэлж буйн тод илрэл бөгөөд залуу хөгжимчдөд урам зориг өгөх биз ээ.
