Дэлхийн өнцөг булан бүрийн олон төрлийн хамтын ажиллагааг тоглоомдоо нэвтрүүлж чаддагаараа алдаршсан Fortnite энэ удаад аймшгийн төрлийн тоглоомын ертөнц рүү өнгийж байх шиг байна. Тус тоглоом энэ жилийн Халловины баярыг угтан инди аймшгийн алдарт цуврал Five Nights at Freddy’s (FNAF)-тэй хамтран ажиллах гэж буйг илтгэсэн сэжүүрүүдийг гаргаж эхэлжээ.
FNAF нь Fortnite тоглоомын шүтэн бишрэгчдийн дунд хамгийн их хүлээгдэж, хүсэмжлэгдсэн франчайзуудын нэг байсаар ирсэн юм.
Энэхүү сэжүүр нь саяхан Chapter 7 Season 4 Override-д зориулан зарлагдсан томоохон видео тоглоомуудын хамтын ажиллагааны дараахан гарч ирж байгаагаараа анхаарал татаж байна. Тухайн батлагдсан хамтралуудад Sonic the Hedgehog, Mega Man болон Pac-Man зэрэг алдартай дүрүүд багтсан байсан юм.
