АНУ-ын алдарт "Glee" цувралд тоглож байсан жүжигчин Кевин Макхэйл тус цувралыг "хараалтай" гэж ярих болсон шүтэн бишрэгчдэдээ уур хилэнээ илэрхийлжээ.
Тэрээр лхагва гарагт X (хуучнаар Twitter) платформ дээрээ дамжуулан энэхүү асуудалд байр сууриа илэрхийлсэн байна. Кевин Макхэйл цувралын зарим жүжигчид нас барсан явдлыг "хараал" хэмээн нэрлэж, үүнийг ямар нэгэн гаж онол мэтээр ярилцаж буй хүмүүсийг эрс шүүмжилжээ.
Түүний хувьд хуучин хамтран тоглогчдынхоо нас барсан эмгэнэлт явдлыг ийнхүү хуйвалдааны онол мэтээр хэлэлцэж байгаа нь хүлээн зөвшөөрөхийн аргагүй зүйл гэж үзэж байгаагаа илэрхийлсэн байна.
