Кристиан болон Госпел хөгжмийн ертөнцийн хамгийн том үйл явдал болох GMA Dove Awards-ын 57 дахь удаагийн наадамд нэр дэвшигчдийг зарлалаа. Энэ жилийн хамгийн нэр хүндтэй “Оны шилдэг уран бүтээлч” номинацид Phil Wickham, Brandon Lake, CeCe Winans, Josiah Queen болон Lauren Daigle нар өрсөлдөхөөр болсон байна.
Шагнал гардуулах ёслол 10-р сарын 6-ны өдөр Нэшвилл хотын Bridgestone Arena-д болох бөгөөд найман удаагийн Dove Awards-ын эзэн Tauren Wells дөрөв дэх жилдээ хөтлөгчөөр ажиллах юм. Тэрээр мөн энэ удаагийн шоуны гүйцэтгэх продюсероор ажиллаж байгаа бөгөөд хоёр төрөлд нэр дэвшээд зогсохгүй тайзан дээр уран бүтээлээ толилуулах ажээ.
Энэ жилийн наадам “Together For One” буюу “Нэгдэн нэгдэхүй” гэсэн сэдвийн дор зохион байгуулагдах бөгөөд энэ нь Библийн Колоссай номын 3:14-р бүлгээс сэдэвлэжээ. Gospel Music Association-ийн ерөнхийлөгч Jackie Patillo-гийн хэлснээр, нэр дэвшигчдийн бүтээлүүд нь дэлхий даяарх хүмүүсийг нэгтгэж, өөрчлөлтийг авчрах хүчтэй хөгжим болж байгааг онцолсон байна.
Наадмын үеэр “Шинэ оны шилдэг уран бүтээлч”, “Оны шилдэг Госпел дуу”, “Оны шилдэг кантри/рутс дуу” зэрэг төрлүүдэд нэр дэвшигчдийг тодруулах юм. Тухайлбал, Tasha Cobbs Leonard, Mariah Carey болон The Clark Sisters зэрэг алдартай уран бүтээлчид төрөл бүрийн номинацид нэр дэвшжээ. Мөн хөгжмийн салбарын ард ажилладаг продюсер, зохиолчдыг ч онцлон Jonathan Smith, Jacob Sooter, Steven Furtick нарыг нэр дэвшүүлсэн байна.
Нийт 39 төрлөөр явагдах энэхүү наадмын ялагчдыг GMA-ийн гишүүдийн санал хураалтаар тодруулах бөгөөд эцсийн санал хураалт 2026 оны 8-р сарын 7-ноос 14-ний хооронд үргэлжилнэ. Ёслолын ажиллагааг 10-р сарын 9-ний өдөр TBN болон TBN+ сувгаар дамжуулан үзэх боломжтой.
