Mashable технологийн сэтгүүлийн Android хэрэглэгчдэд зориулсан шилдэг ухаалаг цагаар нэрлэгдсэн Google Pixel Watch 5 төхөөрөмж Amazon дээр түүхэн дэх хамгийн хямд үнэ буюу 299.99 ам.доллар болж буурлаа. Ингэснээр тус цагны 41 мм хэмжээтэй WiFi загварын үнээс 100 ам.доллар хасагдаж байна.
Өмнөх загвар болох Pixel Watch 4-тэй харьцуулахад энэхүү шинэ загвар нь илүү хурдан процессор, хоёр дахин их багтаамж, хурдан цэнэглэлт болон дасгал хөдөлгөөний үеийн илүү нарийвчлалтай GPS байршил тогтоох системтэй болсноороо онцлогтой. Түүнчлэн зурагдахаас хамгаалсан Gorilla Glass шилтэй, бөмбөгөр хэлбэрийн Actua 360 дэлгэцтэй бөгөөд батарей нь 40 цаг хүртэл ажиллах боломжтой аж.
Gemini хиймэл оюун ба эрүүл мэндийн хяналт
Google тус төхөөрөмжид өөрийн Gemini хиймэл оюуныг шууд суулгаж өгсөн байна. Уг систем нь нислэгийн мэдээллийг харуулах, оройн хоолны төлөвлөгөөний талаар зурвас бичиж байх үед холбоо барих дугаарыг санал болгох зэрэг туслах үйлдлийг гүйцэтгэдэг. Мөн утасны сүлжээ тасарсан үед Gemini-ийн зарим функц оффлайн горимд ажиллах боломжтой.
Эрүүл мэндийн хяналтын хувьд зүрхний цохилт, шөнийн нойрны үе шатыг нэгтгэн харуулахаас гадна цусны даралт болон инсулины эсэргүүцлийн урт хугацааны хандлагыг хянадаг байна. Үүнээс гадна унтаж байх үеийн амьсгалын тогтмол байдлыг шалгадаг бөгөөд нэн даруй тусламж хэрэгтэйг илрүүлсэн тохиолдолд яаралтай дуудлага хийхийг санал болгох боломжтой Loss of Pulse Detection функцийг багтаажээ.
