Хөрөнгө оруулалтын Hashdex компани өөрийн үйл ажиллагаа явуулж буй Bitcoin-ийн спот үнийг дагадаг биржийн арилжааны санг (ETF) хаах шийдвэр гаргажээ. Энэхүү сан нь хоёр жил гаруйн хугацаанд үйл ажиллагаа явуулсан хэдий ч санхүүгийн хувьд өсөлт үзүүлж чадаагүй байна.
Холбогдох мэдээллээр, тус сан нь 18 сая ам.доллар-оос илүү хэмжээний цэвэр хөрөнгө татаж чадаагүй аж. Иймд Hashdex компани ирэх долоо хоногуудад санд байршиж буй 225 BTC буюу Bitcoin-ийг худалдан борлуулж, хөрөнгө оруулагчдад ногдох хөрөнгийг нь бүрэн төлж барагдуулахаар төлөвлөж байна.
