Шарон Осборн хэмээх Америкийн телевизийн хөтлөгч, хөгжмийн продюсер (Ozzy Osbourne-ийн эхнэрээр нь Монголд андахгүй байх) барууны хэт үзэлт үзэлтэй Томми Робинсоныг дэмжиж, түүний жагсаалд оролцох болсноо зарласнаар олон нийтийн шүүмжлэлд өртөөд байна. Үүнтэй холбоотойгоор орон гэргүй хүмүүст туслах зорилготой нэгэн буяны байгууллага түүнтэй хамтран ажиллахаа зогсоосон тухайгаа мэдэгджээ.
Осборн өөрийн цахим хуудсаараа дамжуулан “Жагсаалд уулзацгаая” гэх утгатай мэдэгдэл хийсэн нь олны дургүйцлийг хүргэсэн байна. Уг жагсаал нь цагаачлалын эсрэг, исламын шашныг буруутгасан уриатайгаар зохион байгуулагдсан бөгөөд Томми Робинсон нь барууны хэт үзэлт үзэлтэй хэмээн олон нийтэд танигдсан нэгэн юм.
Буяны байгууллагын зүгээс гаргасан мэдэгдэлд “Энэ төрлийн үйл ажиллагаа нь манай байгууллагын үнэт зүйлтэй нийцэхгүй байна” гэжээ. Тус байгууллага Осборныг олон нийтэд нөлөөтэй хүн гэдэг утгаар нь хамтран ажиллах түншээр сонгосон боловч, түүний барууны үзэлт жагсаалыг дэмжсэн нь тэдний үнэт зүйлтэй зөрчилдөж байгаа тул цаашид хамтран ажиллах боломжгүй гэж үзсэн байна.
Энэхүү үйл явдал нь олон нийтийн зүгээс алдартнуудын улс төрийн үзэл бодол, үйл хөдлөлд хэрхэн хандаж байгаагийн тод жишээ болж байна. Шарон Осборны хувьд шүүмжлэлтэй нүүр тулгарч байгаа ч энэ талаар ямар нэгэн тайлбар хийгээгүй байна.
