Apple-ийн шинэ загварын нугардаг утас болох iPhone Duo-ийн урьдчилсан захиалга энэ долоо хоногт албан ёсоор эхлэх гэж байна. Тус төхөөрөмжийг АНУ-ын харилцаа холбооны AT&T оператороор дамжуулан 10 дугаар сарын 16-наас урьдчилан захиалах боломжтой болох бөгөөд 10 дугаар сарын 23-наас ерөнхий худалдаанд гарах юм.
Энэхүү нээлтийн хүрээнд AT&T шинэ болон одоогийн хэрэглэгчдэдээ зориулан шаардлага хангасан утсаа солих (trade-in) нөхцөлөөр 1,200 хүртэлх ам.долларын төлбөрийн хөнгөлөлт (bill credit) санал болгож эхэлжээ.
Хөнгөлөлтийн нөхцөлүүд
Нийт 1,999 ам.долларын үнэтэй флагман загварыг авахад 1,200 ам.долларын дээд хөнгөлөлтийг эдлэхийн тулд хэрэглэгч дор хаяж 230 ам.долларын үнэлгээтэй хуучин ухаалаг утсаа тушааж, шаардлага хангасан хязгааргүй дата багцыг идэвхжүүлэх эсвэл хадгалах шаардлагатай. Мөн төхөөрөмжийг 36 сарын хуваан төлөх гэрээгээр худалдан авах ёстой аж.
Ингэснээр сар бүрийн төлбөр нь 55.56 ам.доллароос 22.23 ам.доллар болж буурах юм. Хөнгөлөлтийг 36 сарын турш сар бүрийн төлбөрөөс хасаж тооцох бөгөөд хэрэв хугацаанаас өмнө багцаа цуцлах, шаардлага хангахгүй ангилал руу шилжүүлэх эсвэл оператороо сольбол үлдсэн төлбөрийг бүрэн төлөх шаардлага тулгарна.
Бусад оператороос шилжиж буй хэрэглэгчдийн урамшуулал
Өөр оператороос AT&T руу шилжиж буй хэрэглэгчдэд хуучин үүрэн телефоны оператортоо үлдсэн утасны төлбөрийг хаахад зориулж 800 хүртэлх ам.долларын кредит олгохоос гадна захиалгаа онлайнаар хийсэн тохиолдолд дугаар тус бүрд 200 ам.долларын онцгой хөнгөлөлт үзүүлж байна.
Хэрэглэгчид утасны үндсэн үнийн борлуулалтын татварыг урьдчилан төлөхөөс гадна AT&T-ийн төхөөрөмж холболтын стандарт төлбөр болох 35 ам.долларыг нэмж төлөх шаардлагатайг сануулжээ.
