Дэлхий даяар алдартай шоколадны брэнд болох KitKat-ын ачааны машинууд сүүлийн үед ер бусын хамгаалалттайгаар замын хөдөлгөөнд оролцож байгаа талаар мэдээлэл тархаад байна. Энэ нь хэдхэн хоногийн өмнө гарсан 12 тонн KitKat шоколадыг хулгайлсан хэрэгтэй холбоотой аж.
Хулгайн хэрэг гарсанаас хойш цахим сүлжээнд тархсан бичлэгүүдэд KitKat-ын ачааны машиныг цагдаагийн машин болон хувийн хамгаалалтын алба хаагчид хамгаалж байгаа нь харагдаж байна. Энэ нь тус компанийн зүгээс дахин ийм төрлийн хулгайн хэргээс урьдчилан сэргийлэх зорилготой авч буй арга хэмжээ бололтой.
Энэхүү үйл явдал нь цахим орчинд олон янзын хошин шог, шүүмжлэлийг дагуулж байна. Зарим хэрэглэгчид KitKat-ын шоколадыг “үндэсний хэмжээний аюулгүй байдалд” заналхийлж байна хэмээн шоолж байгаа бол зарим нь компанийн шийдвэрийг дэмжиж, бизнесийн аюулгүй байдлыг хангах нь зүйтэй гэж үзэж байна.
KitKat-ын хувьд энэ хэрэг нь нэр хүндэд нь сөргөөр нөлөөлж болзошгүй юм. Гэхдээ компанийн зүгээс авч буй арга хэмжээ нь хэрэглэгчдийн итгэлийг сэргээх, цаашдын хулгайн хэргээс урьдчилан сэргийлэхэд чиглэж байгаа бололтой. Цаашид энэ хэрэг ямар үр дагавартай байхыг харах л үлдлээ.
