Netflix-ийн үзэгчдийн танил болсон "KPop Demon Hunters" анимейшн киноны баатруудын Funko брэндийн цуглуулга шинэхэн нэмэлтүүдээр баяжиж байна. Одоогийн байдлаар Rumi, Mira, Zoey, Jinu болон Derpy зэрэг баатруудын дүрс бүхий цуглуулга худалдаанд байгаа бол удахгүй "Saja Boys" хамтлагийн гишүүд болон бусад сонирхолтой баатрууд нэмэгдэхээр болжээ.
Шинэ цувралын онцлог нь "Blind Box" буюу хайрцаг доторх баатрыг урьдчилан мэдэх боломжгүй нууцлаг хувилбар юм. Энэхүү хайрцагт Jinu, Abby, Baby, Romance, Mystery гэсэн таван гишүүн эсвэл Crying Demon дүрүүдийн аль нэг нь байх аж. Мөн цуглуулагчдад зориулан 1-in-72 харьцаатай Limited Edition Mystery Chase болон дэлхий дээр ганцхан байх 1-in-1 Worldwide Chase хувилбаруудыг багтаасан байна.
Компанийн зүгээс мөн "Pop! Yourself" үйлчилгээгээр дамжуулан өөрийн хүссэн дүр төрхтэй баатрыг бүтээх боломжийг олгож байгаа юм. Хэрэглэгчид өөрийн сонгосон арьсны өнгө, үс засалт, хувцаслалт болон нүүрний онцлогтой баатрыг бүтээхдээ HUNTR/X эсвэл Saja Boys хамтлагийн аль нэгийг төлөөлүүлэн, тэдний гэрэлтүүлэгч савааг бариулах боломжтой.
Одоогийн байдлаар Amazon болон Walmart зэрэг худалдааны сүлжээгээр дамжуулан KPop Demon Hunters цуглуулгын бүтээгдэхүүнүүдийг захиалах боломжтой бөгөөд зарим багц бүтээгдэхүүнд хямдрал зарлагдаад байна. Шинэ цувралын "Blind Box"-ын хувьд есдүгээр сарын 17-ноос эхлэн худалдаанд гарах бөгөөд хоёр хоногийн дараагаас тээвэрлэлт нь эхлэх төлөвтэй байна.
