"League of Legends" (LoL) цахим спортын төрөл 2026 оны Азийн наадам-д медалийн төрөл хэлбэрээр дахин зохион байгуулагдахаар боллоо. Энэ удаагийн тэмцээн Японы Айчи-Нагоя хотод болох бөгөөд тоглолтууд есдүгээр сарын 29-нөөс аравдугаар сарын 2-ны хооронд "Aichi Sky Expo" ордонд явагдана.
Энэхүү тэмцээнд нийт найман орны шигшээ баг алтан медалийн төлөө өрсөлдөх юм. Тус тэмцээний гол онцлог нь тоглогчид өөрсдийн харьяалагддаг мэргэжлийн баг, клубийг бус, харин улс орноо төлөөлөн оролцдогоороо ердийн цахим спортын тэмцээнүүдээс ялгаатай байдаг.
Тэмцээнд өмнөх наадмын аварга цолоо хамгаалахаар Өмнөд Солонгос улсын шигшээ оролцох бол тэднээс гадна Тайвань, Вьетнам, Энэтхэг зэрэг бусад орны багууд алтан медалийн төлөө хүч үзнэ.
