Америкийн алдарт реппер Lil Baby-гийн (жинхэнэ нэр нь Доминик Жонс) хувь эзэмшдэг “4PF” компани “Bay Smokes” хэмээх каннабисын бүтээгдэхүүн үйлдвэрлэгч компанийг шүүхэд өгсөн тухай Billboard сэтгүүл мэдээллээ. Учир нь “Bay Smokes”-ийн үйлдвэрлэсэн hemp (каннабисын төрөл) бүтээгдэхүүнүүд нь хуулиар зөвшөөрөгдөх хэмжээнээс хэтэрсэн THC (сэтгэцэд нөлөөлөх каннабиноид) агуулсан, мөн E. coli нянгаар бохирлогдсон байсан аж.
“4PF” компанийн зүгээс “Bay Smokes” нь бүтээгдэхүүний аюулгүй байдлыг хангаагүйн улмаас Lil Baby-гийн нэр хүндэд сөргөөр нөлөөлж, брэндийн үнэ цэнийг унагаж байна гэж үзэж байгаа юм байна. Тэдний хэлж буйгаар, хэрэглэгчдийг хордуулсан, аюултай бүтээгдэхүүн үйлдвэрлэсэн нь Lil Baby-гийн нэр хүндэд хар толбо үлдээж байгаа гэнэ.
Lil Baby нь Америкийн хамгийн эрэлттэй репперүүдийн нэг бөгөөд түүний дуунууд Billboard чартуудыг тэргүүлж, олон сая хүнд хүрдэг. Түүний нэр хүнд, брэнд нь маш үнэ цэнтэй тул ийм төрлийн асуудал түүнд маш том цохилт болж байгаа юм.
Одоогоор шүүх хэргийг хэрхэн шийдвэрлэх нь тодорхойгүй байна. Гэсэн хэдий ч энэ хэрэг нь каннабисын бүтээгдэхүүний аюулгүй байдал, чанарын хяналтыг чангатгах шаардлагатайг дахин сануулж байна.
