Холливуудын нэрт жүжигчин Жессика Честейний гол дүрийг бүтээсэн, ихээхэн хүлээлт үүсгээд байсан “The Savant” хэмээх мини цуврал Apple TV+ стриминг үйлчилгээгээр энэ зун гарах болжээ. Энэ тухай жүжигчин бүсгүй өөрөө Rolling Stone сэтгүүлд өгсөн ярилцлагадаа дурдсан байна.
Тус цувралын зураг авалт дуусч, нээлтээ хийхэд бэлэн болсон ч 2025 оны есдүгээр сард болсон эмгэнэлт үйл явдал буюу Чарли Киркийн амь насаа алдсантай холбоотойгоор нээлт нь тодорхойгүй хугацаагаар хойшлогдсон билээ. Чарли Кирк гэдэг нь Америкийн консерватив үзэлтэй улс төр судлаач, идэвхтэн бөгөөд түүний гэнэтийн үхэл Америкийн нийгэмд гүн цочрол үүсгэсэн юм.
“Бид үүнийг үзэх болно” хэмээн Честейн онцолсон нь цувралыг үзэхийг тэсэн ядан хүлээж буй олон мянган үзэгчдийн хувьд баяр хөөр болж байна. Цувралын талаарх дэлгэрэнгүй мэдээлэл хараахан гараагүй байгаа ч Жессика Честейний ур чадварыг биширдэг, мөн өнгөрсөн хугацаанд хүлээлт үүсгэсэн уг цувралыг үзэхийг хүсэж буй залуус Apple TV+-ийг шалгаж байх хэрэгтэй болов уу.
Apple TV+ нь Apple компанийн эзэмшдэг стриминг үйлчилгээ бөгөөд “Ted Lasso”, “Severance” зэрэг олон алдартай цувралуудыг бүтээсэн билээ.
