Францын тансаг зэрэглэлийн алдарт Louis Vuitton брэнд Хятадын барааны тэмдгийн зохицуулалтын байгууллагатай (CNIPA) шүүхийн танхимд нүүр тулахаар зэхэж байна. Энэхүү захиргааны хэргийн шүүх хурал пүрэв гарагт болох товтой байгаа юм.
Тус брэнд нь Хятадын оюуны өмчийн шүүхэд нэхэмжлэл гаргасан бөгөөд уг хэрэгт Хятадын иргэн Хуан Миньяо гуравдагч этгээдээр татагджээ. Бээжингийн шүүхийн мэдэгдэлд дурдсанаар, Louis Vuitton Malletier компани өөрийн барааны тэмдгийг хамгаалах хүрээнд энэхүү хуулийн ажиллагааг эхлүүлсэн байна.
Энэхүү үйл явдал нь Louis Vuitton брэнд Хятадын орон нутгийн сүүтэй цайны брэндтэй холбоотой өөр нэгэн хуулийн маргаанд оролцож, олон нийтийн зүгээс шүүмжлэлтэй тулгарч буй үед өрнөж байгаагаараа онцлог юм. Тус брэнд нь Хятадын зах зээл дээрх оюуны өмчийн маргаанууддаа хуулийн хатуу байр суурь баримталсаар байна.
