Британийн трип-хоп хөгжмийн Massive Attack хамтлаг бол дэлхий дахинд нэр хүндтэй, Монголд ч гэсэн цөөнгүй шүтэн бишрэгчтэй хамтлаг билээ. Хамтлагийн үүсгэн байгуулагчдын нэг Роберт Дел Нажа саяхан Их Британид болсон Палестиныг дэмжсэн томоохон жагсаалд оролцсоны улмаас баривчлагдсан тухай NME зэрэг хэвлэлүүд мэдээлж байна.
“Palestine Action” хэмээх байгууллагаас зохион байгуулсан уг жагсаал нь Израильд зэвсэг нийлүүлдэг Британийн үйлдвэрлэлийн эсрэг чиглэсэн байна. Жагсаалын үеэр Роберт Дел Нажа хэлэхдээ, тэдний үйл ажиллагаа нь “улс орноо ноцтой дайны гэмт хэрэгт холбогдохоос, олон улсын хуулийг зөрчихөөс хамгаалж байгаа тул маш эх оронч үзэлтэй” гэжээ.
Жагсаалын үеэр 500 гаруй хүнийг баривчилсан бөгөөд тэдний дунд Роберт Дел Нажа багтсан байна. Энэ үйл явдал нь олон улсын анхаарлыг дахин Палестины асуудалд хандуулахад нөлөөлж, уран бүтээлчид болон иргэний нийгмийн зүгээс энэ асуудлыг хэрхэн дэмжиж байгааг харуулж байна.
Роберт Дел Нажагийн баривчлагдсан тухай мэдээлэл нь Massive Attack-ийн шүтэн бишрэгчдийг гайхшруулж, түүний идэвхтэй байр суурийг дахин нэг удаа баталгаажууллаа. Тэрээр улс төрийн үзэл бодлоо илэрхийлэхээс хэзээ ч буцдаггүй, энэ нь түүний уран бүтээлд ч мөн тусгалаа олдог билээ.
