Тамхи татдаг залуусын дунд RAW тамхины цаасны брэнд хэдийнэ танил болсон байх. Энэхүү брэндийг үндэслэгч Жош Кесселман гэгч этгээд марихуаны соёлыг дэмжигч, Америкийн нөлөө бүхий High Times сэтгүүлийг дахин амилуулах болсноо зарлалаа.
High Times бол 1974 оноос хойш марихуаны тухай мэдээ, соёл, хууль эрх зүйн асуудлыг хөндөж ирсэн, Америкийн хамгийн том сэтгүүлийн нэг юм. Сэтгүүл өмнө нь хэд хэдэн удаа эзэн нь солигдож, санхүүгийн хүндрэлд орж байсан. Харин одоо Жош Кесселман тус сэтгүүлийг худалдан авч, шинэчлэн гаргахаар болжээ.
Жош Кесселман бол RAW брэндийг үндэслэгч, тамхины цаасны зах зээлд томоохон өөрчлөлт авчирсан хүн юм. Тэрээр байгальд ээлтэй, органик тамхины цаасыг зах зээлд нэвтрүүлснээрээ алдартай. Кесселман High Times сэтгүүлийг ашиглан марихуаны соёлыг илүү өргөн хүрээнд түгээнэ гэдэгт итгэлтэй байгаагаа илэрхийлсэн.
High Times сэтгүүлийн шинэчлэгдсэн хувилбар нь цахим хэлбэрээр болон хэвлэмэл хэлбэрээр гарах бөгөөд марихуаны тухай мэдээ, урлаг, соёл, хууль эрх зүйн асуудлыг хөндөх болно. Залуу уншигчдын хувьд энэ нь марихуаны талаарх мэдлэгээ дээшлүүлэх, сонирхолтой контент унших боломж юм.
