Хэрэглэгчид оффисын программуудыг сар бүр төлбөр төлөх шаардлагагүйгээр ашиглах боломж бүрдлээ. Үндсэн үнэ нь 249.99 ам.доллар байдаг Microsoft Office 2024 Professional Plus багцын Windows хувилбарыг 11 дүгээр сарын 8-ныг дуустал 49.97 ам.доллароор худалдан авах боломжтой болсон байна. Энэхүү урамшууллаар хэрэглэгчид 200.02 ам.доллар хэмнэх юм.
Энэхүү багцад Word, Excel, PowerPoint, Outlook, OneNote болон Access зэрэг программууд багтсан бөгөөд бичиг баримт боловсруулах, хүснэгт мэдээлэл хөтлөх, илтгэл бэлтгэх, и-мэйл харилцаа, тэмдэглэл болон өгөгдлийн санг удирдах ажлуудыг нэг дороос гүйцэтгэх нөхцөлийг бүрдүүлжээ. Мөн тус хувилбар нь байнга функц өөрчлөгдөхөөс илүүтэй тогтвортой, найдвартай ажиллагааг чухалчилдаг тул зохицуулалт өндөртэй салбарын байгууллагуудад ашиглахад тохиромжтой гэж үзэж байна.
Багцын загвар нь бараан горим буюу 'dark mode'-ыг дэмждэг болсон төдийгүй өгөгдлийн ахисан түвшний шинжилгээ, мэдээллийн сангийн удирдлагын хэрэгслүүдийг багтаажээ. Түүнчлэн аюулгүй байдал, нийцлийн суурилагдсан чадамжуудтай.
Худалдан авахаас өмнө анхаарах зарим нөхцөлүүд бий. Тус лиценз нь зөвхөн Windows 10 эсвэл Windows 11 үйлдлийн системтэй нэг компьютерт насан туршдаа холбогдох бөгөөд Microsoft хаягт биш, тухайн төхөөрөмжид нь бэхлэгддэг байна. Мөн энэхүү хувилбар нь Mac буюу macOS төхөөрөмжүүдэд ажиллахгүй болохыг сануулжээ. StackSocial дээрх үнэ өөрчлөгдөх боломжтой бөгөөд хямдрал 11 дүгээр сарын 8-нд дуусна.
