Америкийн инди-рок урсгалын алдартай хамтлаг болох Modest Mouse өөрсдийн гитарчин Саймон О’Коннор-ыг аялан тоглолтын бүрэлдэхүүнээс гаргасан тухай Page Six мэдээллээ. Энэхүү шийдвэр нь гитарчныг өсвөр насны хөгжөн дэмжигч рүүгээ зохисгүй агуулгатай зурвас илгээсэн гэх мэдээлэл гарсны дараа гарчээ.
Уг асуудлыг хөндсөн хэрэглэгчийн мэдээлснээр, тэрээр тухайн харилцаа үүсэх үед 16 настай байсан аж. Мөн тухайн хэрэглэгч өөрийн Инстаграм хуудсан дээрх танилцуулга хэсэгтээ төрсөн огноогоо ил тод байршуулсан байжээ.
Одоогоор хамтлагийн зүгээс болон Саймон О’Коннорын хувьд энэ талаар нэмэлт дэлгэрэнгүй мэдээлэл өгөөгүй байна.
