Хиймэл оюун ухаан (ХОУ)-ны хөгжил дэлхий даяар хурдацтай явагдаж байгаа энэ үед ажлын байрны ирээдүйн талаарх болгоомжлол нэмэгдэж байна. Олон хүн ХОУ нь хүний оролцоогүйгээр ажлыг гүйцэтгэх чадвартай болсноор олон сая хүмүүс ажилгүй болно гэж үзэж байгаа билээ.
Гэвч Nvidia компанийн гүйцэтгэх захирал Женсен Хуан энэ болгоомжлолыг үгүйсгэж, ХОУ нь ажлын байрыг устгах биш харин ч бий болгох хүчин зүйл болно гэж мэдэгдлээ. Nvidia компани (АНУ-д төвтэй, график процессор болон хиймэл оюун ухааны технологиор тэргүүлэгч компани) нь ХОУ-ны салбарт томоохон хувь нэмэр оруулж байгаа бөгөөд Хуангийн хэлснээр ХОУ нь шинэ ажлын байрны эрэлт хэрэгцээг бий болгож, хүмүүсийг илүү бүтээлч, үр ашигтай ажиллахад туслах болно.
Тэрээр ХОУ нь автоматжуулалтыг дэмжиж, зарим ажлыг орлох боловч шинээр ХОУ-ны системийг хөгжүүлэх, засварлах, ашиглах, мөн ХОУ-г ашиглан шинэ бүтээгдэхүүн, үйлчилгээг бий болгох шаардлагатай болно гэж онцолсон. Мөн ХОУ нь хүмүүст илүү сонирхолтой, бүтээлч ажилд анхаарлаа төвлөрүүлэх боломжийг олгоно гэжээ.
Хэдийгээр Хуангийн мэдэгдэл олон хүний итгэлийг сэргээж байгаа ч ХОУ-ны хөгжил нь ажлын байрны зах зээлд томоохон өөрчлөлт авчрах нь гарцаагүй. Иймд залуучууд бид ХОУ-ны чиг хандлагыг дагаж, шинэ ур чадвар эзэмших, технологийн мэдлэгээ дээшлүүлэх нь чухал юм.
