Америкийн алдартай реппер Offset дөрөвдүгээр сарын 6-нд казиногийн гадаа буудуулсны улмаас эмнэлэгт хүргэгдсэн билээ. Тэрээр эмнэлгээс гарснаасаа хойш 48 цагийн дараа тайзан дээр гарч тоглолт хийсэн нь олон нийтийг гайхшруулсан байна.
Offset Migos хэмээх хип хоп хамтлагийн гишүүнээр олонд танигдсан бөгөөд сүүлийн жилүүдэд бие даасан уран бүтээлээ гаргаж байгаа юм. Түүнийг буудсан хэрэг одоог хүртэл мөрдөгдөж байгаа бөгөөд цагдаагийн байгууллагаас ямар нэгэн мэдээлэл өгөөгүй байна.
Тэрээр тайзан дээр тэргэнцэртэй гарч ирсэн бөгөөд фенүүдээсээ уучлалт гуйж, өөрийг нь дэмжиж байгаад талархсанаа илэрхийлжээ. Тоглолтын үеэр тэрээр хэд хэдэн шинэ дуугаа дуулж, мөн Migos хамтлагийнхаа хит дуунуудаас толилуулсан байна. Offset-ийн эрүүл мэнд бүрэн сайжирч, дахин тайзан дээр эрч хүчтэйгээр эргэн ирэхийг фенүүд нь хүсэн хүлээж байна.
