Филадельфи гаралтай дуучин, ая зохиогч, продюсер Pink Sweat$ фитнессийн сүлжээ Planet Fitness-ийн "Movement Mixes" төслийн хүрээнд тусгай плэйлист гаргалаа. Энэхүү цуврал нь хүмүүсийг урагш тэмүүлэх, хэмнэлээ олох, зорилготой байхад нь урам зориг өгөх дуунуудыг нэгтгэдгээрээ онцлог юм.
Энэ удаагийн плэйлист нь зөвхөн дуртай дуунуудын цуглуулга төдий биш, харин дуучин Pink Sweat$-ийн хөгжмийн үндэс, түүний уран бүтээлд нөлөөлсөн урсгалуудыг харуулсан бүтээл болжээ. Плэйлистэд Филадельфи соул, сонгодог R&B, фанк, хип хоп зэрэг биеийн хөдөлгөөнийг аяндаа өрнүүлэх хэмнэлтэй бүтээлүүд багтсан байна.
Уг плэйлист нь бүхэл бүтэн дасгалын үе шат мэт зохион байгуулагдсан бөгөөд Jill Scott, Musiq Soulchild нарын бүтээлээр дулаацаж эхлэн, The Roots болон Anderson .Paak нарын дуугаар хэмнэлээ чангалдаг. Улмаар Beyoncé, Meek Mill, Kendrick Lamar нарын эрч хүчтэй бүтээлүүдээр эрчээ авч, Frank Ocean, Sade, Bill Withers нарын аялгуугаар алгуур тайвшрах бүтцээр үргэлжилнэ. Мөн Pink Sweat$-ийн өөрийнх нь "Icy" болон "At My Worst" дуунууд ч уг жагсаалтад багтжээ.
Плэйлистийн эхэнд эгшиглэх Jill Scott-ийн "Golden" дуу нь Филадельфи соул хөгжмийн дулаан уур амьсгалыг мэдрүүлдэг бол Musiq Soulchild-ийн "Just Friends (Sunny)" нь нео-соул хэмнэлээр дасгалын эрч нэмэгдэхээс өмнөх хөнгөн эхлэлийг тавьдаг байна. Цаашлаад The Roots, Cody Chesnutt нарын "The Seed (2.0)", Anderson .Paak-ийн "Come Down", Bruno Mars-ийн "Treasure" зэрэг олон төрлийн уран бүтээл багтжээ.
