Америкийн дуучин, хөгжмийн зохиолч, жүжигчин, бүжигчин Пинк (жинхэнэ нэр нь Алесиа Бет Мур) 2026 оны Тони шагнал гардуулах ёслолыг хөтлөх болсон байна. Энэ тухайгаа тэрбээр “Насан туршдаа хүлээсэн нэр төрийн хэрэг” хэмээн Billboard сэтгүүлд өгсөн ярилцлагадаа онцолжээ.
Tони шагнал нь театрын урлагийн салбарт олгодог хамгийн нэр хүндтэй шагналуудын нэг бөгөөд Broadway-н шилдэг жүжиг, мюзикл, жүжигчид, найруулагч, зохиолчдыг шалгаруулдаг. Пинк уг ёслолыг хөтлөх болсноор поп хөгжмийн ертөнцөөс театрын урлагт оруулж буй хувь нэмрээ улам бататгаж байгаа юм.
Пинк нь дэлхий даяар 135 сая цомог борлуулж, Грэммийн шагнал гурав, MTV Video Music Awards долоо, Billboard Music Awards хоёр, Brit Awards нэг удаа хүртэж байсан, олон улсад танигдсан супер од билээ. Түүний хит дуунууд болох "Get the Party Started", "So What", "Raise Your Glass" зэрэг нь залуусын дунд маш их алдартай.
Тони шагнал гардуулах ёслол 2026 онд хэзээ болох тов нь одоогоор гараагүй байгаа ч хэдийнээ хөгжмийн болон театрын урлаг сонирхогчдын дунд хүлээлт үүсгээд байна. Пинкын хөтлөгчөөр ажиллах нь тус ёслолыг улам сонирхолтой, өнгөлөг болгоно гэдэгт итгэлтэй байна.
