Америкийн нэгэн хотод Покемон карт цуглуулагч залуус худалдан авагч гэх хүнтэй уулзахаар тохиролцоод очсон боловч, тэднийг дээрэмдэж, үнэтэй картуудыг нь булааж байсан хэрэг гарчээ. Цагдаагийн газраас мэдээлснээр, гуравдугаар сарын сүүлээс эхлэн хэд хэдэн ийм төрлийн хэрэг бүртгэгдсэн байна.
Дээрэмдүүлсэн залуус цагдаад хандан гомдол гаргасны дагуу цагдаа нар тусгай ажиллагаа зохион байгуулж, дээрэмчнийг баривчилжээ. Цагдаагийн ажилтнууд худалдан авагч дүр эсгэн, дээрэмчинтэй уулзахаар болж, түүнийг баривчлах боломжтой болсон байна. Одоогоор цагдаа нар хэргийг шалгаж байгаа бөгөөд дээрэмчнийг хэдэн хэрэгт холбогдсоныг тогтоохоор ажиллаж байна.
Покемон карт (Pokemon card) гэдэг нь дэлхий даяар тархсан, цуглуулгын маш үнэ цэнэтэй зүйл болсон байна. Ялангуяа ховор картууд нь маш өндөр үнээр зарагддаг тул дээрэмчдийн анхаарлыг татах болжээ. Цагдаагийн газраас Покемон карт худалдаалахдаа болгоомжтой байхыг анхааруулж, танихгүй хүмүүстэй уулзахдаа олон нийтийн газар уулзах, эсвэл цагдаад мэдэгдэх зэрэг арга хэмжээ авахыг зөвлөж байна.
