Дуучин, ая зохиогч Role Model шинэ цомог болох “Chuck Timely & The Hourglass”-аа шөнө дунд албан ёсоор гаргалаа. Тэрээр шинэ бүтээлээ сурталчлах ажлын хүрээнд Jimmy Fallon-ы хөтөлдөг The Tonight Show нэвтрүүлэгт анх удаа оролцож, амьд тоглолт үзүүлсэн байна.
Role Model буюу жинхэнэ нэр нь Tucker Pillsbury болох уран бүтээлч олон жилийн турш өөрийн гар утасны тэмдэглэлийн дэвтэрт “дайснуудын жагсаалт”-ыг хөтөлж ирсэн гэдгээ яриандаа дурджээ. Өмнө нь тус жагсаалтад People сэтгүүл, MTV, Charli XCX зэрэг нэрс багтаж байсан бол хөтлөгч Jimmy Fallon өөрөө түүний жинхэнэ нэр дээр инээснийхээ төлөө энэхүү жагсаалтад орсон хамгийн сүүлчийн хүн байв. Гэвч энэ удаагийн нэвтрүүлгийн дараа Role Model хөтлөгчийг жагсаалтаасаа хасжээ.
Тэрээр шинэ цомгийнхоо тухай ярихдаа энэ нь цаг хугацааны өнгөрөх явц болон ганцаараа байх үеийн мэдрэмжүүдийг илэрхийлсэн концепц цомог гэдгийг онцолсон байна. Тус цомогт багтсан “High Hopes 3000” дуу нь Billboard Hot 100 чартын 94-т жагсаж байв. Мөн нэвтрүүлгийн үеэр тэрээр цомгийн төгсгөлийн дуу болох “Harmony”-г амьдаар дуулж үзүүлжээ.
Role Model-ын хувьд 2024 болон 2025 онд дуучин Gracie Abrams-ын “The Secret of Us” аялан тоглолтын нээлтэд оролцсон нь түүний карьерын замналд томоохон нөлөө үзүүлсэн гэдгийг онцолсон юм. Уран бүтээлчийн хувьд ирэх жил кино театруудаар гарах “Good Sex” кинонд Natalie Portman, Mark Ruffalo нартай хамтран тоглохоор төлөвлөж байна.
