Америкийн “Нэшвилл” (Nashville) телевизийн цуврал кинонд бүтээсэн дүрээрээ олонд танигдсан Британи гаралтай жүжигчин, хөгжимчин Сэм Палладио 3686 Records хөгжмийн студитэй гэрээ байгуулсан тухай Billboard сэтгүүл мэдээллээ.
Сэм Палладио нь “Нэшвилл” цувралд Ганнер Скоттигийн дүрийг бүтээснээрээ Монголын үзэгчдийн хувьд ч танил байж магадгүй юм. Тэрбээр зөвхөн жүжигчин төдийгүй авьяаслаг хөгжимчин бөгөөд 2024 онд “The Perfect Summer’s Day Before We Lost The Light” нэртэй анхны бие даасан цомгоо гаргасан билээ.
3686 Records нь кантри хөгжмийн уран бүтээлчдээрээ алдартай бөгөөд Сэм Палладиогийн хувьд энэ студитэй хамтран ажиллах нь өөрийн хөгжмийн карьераа улам өргөжүүлэхэд чухал алхам болно гэж шинжээчид үзэж байна. Түүний цаашдын уран бүтээлд амжилт хүсье!
