Америкийн залуу дуучин, TikTok-оор олонд танигдсан D4vd хэмээх Давид Бурк хүн амины хэрэгт холбогдон баривчлагдсан тухай Rolling Stone сэтгүүл мэдээллээ. Лос Анжелесийн цагдаагийн газраас пүрэв гарагт гаргасан мэдэгдэлд дуучин залуу Селесте Ривас Эрнандез хэмээх эмэгтэйг хөнөөсөн хэрэгт буруутгагдаж байгаа бөгөөд батлан даалтгүйгээр саатуулагдаж байгаа аж.
Цагдаагийн мэдээлснээр хохирогчийн цогцос D4vd-ийн эзэмшлийн Tesla автомашинд байснаас хэрэг илэрчээ. Хэргийн талаар дэлгэрэнгүй мэдээлэл одоогоор гараагүй байна.
D4vd нь 2021 оноос хойш TikTok-т өөрийн дуунуудыг байршуулж эхэлснээр олонд танигдаж, улмаар “Romantic Homicide” болон “Here With Me” зэрэг дуугаараа Billboard Hot 100 чартыг тэргүүлж байсан юм. Түүнийг олон залуус дуулах авьяасаараа биширдэг байсан бөгөөд гэнэтийн энэ хэрэг олон нийтийг цочирдуулсан байна.
Хэргийн мөрдөн байцаалтын ажиллагаа үргэлжилж байгаа бөгөөд D4vd-ийн хууль ёсны төлөөлөгч одоогоор ямар нэгэн мэдэгдэл хийгээгүй байна.
