Блокчейн технологийн салбарт томоохон байр суурь эзэлдэг Solana сүлжээний хөгжүүлэлтийг хариуцдаг Solana Foundation байгууллага протоколын түвшний засаглалын шинэ тогтолцоог албан ёсоор танилцууллаа.
Энэхүү шинэ журмын дагуу Solana сүлжээнд шинэ санал дэвшүүлэх эрхийг тодорхой нөхцөлтэй болгосон байна. Тодруулбал, сүлжээний валидатор буюу гүйлгээ баталгаажуулагчид шинэ санал дэвшүүлэхийн тулд өөрийн эзэмшлийн эсвэл өөрт нь итгэмжлэн шилжүүлсэн 100,000 SOL-оос багагүй хэмжээний хөрөнгөтэй байх шаардлагатай болжээ.
Solana Foundation-ийн зүгээс хэрэгжүүлж буй энэхүү алхам нь сүлжээний засаглалын үйл явцыг илүү системтэй болгох зорилготой юм. Ингэснээр тодорхой хэмжээний хувьцаа эсвэл хөрөнгө төвлөрүүлсэн оролцогчид л сүлжээний ирээдүйн өөрчлөлт, шинэчлэлтийн талаарх саналаа албан ёсоор олон нийтэд танилцуулах боломжтой болж байна.
