Сансрын тээврийн SpaceX компани сүүлийн зургаан сарын хугацаанд анх удаа биткойны хэтэвчээ хөдөлгөсөн нь блокчэйн хяналтын системүүдээр илэрчээ.
Зах зээлийн шинжээчдийн мэдээлснээр, тус компани өөрийн эзэмшлийн биткойныг нэг хаягаас нөгөө хаяг руу шилжүүлсэн байна. Гэсэн хэдий ч энэ үйл явц нь зах зээл дээр ямар нэгэн худалдаа хийгдээгүй болохыг харуулж байна. Тодруулбал, шилжүүлэг хийгдсэн биткойны хэмжээ маш бага бөгөөд ямар нэгэн криптовалютын бирж рүү шилжүүлэг хийгдээгүй байна.
Илон Маскийн үүсгэн байгуулсан энэхүү компани нь биткойн эзэмшдэг гэдгээрээ олон нийтэд танигдсан бөгөөд эл хөдөлгөөн нь зах зээлийн сонирхлыг татсан ч бодит борлуулалт хийгдээгүй гэж үзэж байна.
