Дэлхийн хамгийн том хөгжмийн стриминг үйлчилгээнүүдийн нэг болох Spotify компани хэрэглэгчийн туршлагыг сайжруулах зорилгоор шинэ боломжийг туршиж байна. Тус компанийн гар утасны аппликейшнд хиймэл оюун ухаан (AI) ашиглан асуулт асуух шинэ функц нэмэгджээ.
Энэхүү шинэчлэлийн хүрээнд бета хувилбар ашиглаж буй хэрэглэгчид тус платформ дээрх хөгжим, подкаст болон аудио номнуудын талаар хиймэл оюун ухаанаас асуулт асуух боломжтой болсон байна. Ингэснээр хэрэглэгчид өөрийн сонсож буй контентын талаарх тодорхой мэдээллийг аппликейшн дотроосоо шууд авах боломж бүрдэж байгаа юм.
Одоогоор энэхүү функц нь зөвхөн бета хувилбар ашиглаж буй хэрэглэгчдэд нээлттэй байгаа бөгөөд Spotify-ийн санал болгож буй төрөл бүрийн аудио контентуудтай холбоотой асуултуудад хариулах зориулалттай ажээ.
