Bloomberg агентлагийн мэдээлснээр, криптовалютын салбарт өрнөх ёстой байсан гурван талт нэгдлийн төлөвлөгөө цуцлагдсан байна. Уг хэлэлцээрт Tether-ийн дэмжлэгтэй Twenty One Capital, Elektron болон Strike компаниуд оролцож байсан юм.
Хэлэлцээрийн үр дүнд Strike компани ямар нэгэн нэгдэлд оролцолгүйгээр хуучин хэвээрээ бие даасан компани болон үлдэхээр болжээ. Харин нөгөө хоёр тал болох Twenty One Capital болон Elektron компаниудын хувьд цаашид хэлэлцээгээ үргэлжлүүлсээр байгаа аж.
Одоогоор талуудын зүгээс нэгдлийн төлөвлөгөөг цуцалсан шалтгаан болон цаашдын алхмын талаар дэлгэрэнгүй мэдээлэл гараагүй байна.
