Дэлхийд алдартай хүүхдийн контент болох "CoComelon" франчайз анхны бүрэн хэмжээний киногоо үзэгчдэд хүргэхээр бэлтгэж байна. "DreamWorks Jr." компани уг киноны анхны трэйлерийг наймдугаар сарын 6-ны өдөр танилцууллаа.
Грэммийн шагналт дуучин SZA тус киноны нэгэн дүрд дуу оруулахаар болсон нь олны анхаарлыг татаж байна. Тэрээр өөрийн дууны карьертаа "SOS" цомог болон "Kill Bill", "Saturn" зэрэг олон амжилттай бүтээлүүдээрээ танигдсан уран бүтээлч юм.
Киноны үйл явдлын хувьд гол дүр болох Жэй-Жэй болон түүний найзууд алдагдсан бамбарууш "Boba"-г хайж буй адал явдлыг харуулах аж. Тэд нууцлаг хайрцгаар дамжин шидэт ертөнцөд очиж, бамбаруушаа эргүүлэн олох эрэл хайгуулд гарна.
Киноны хөгжмийн хувьд Грэммийн шагналд нэр дэвшиж байсан, Жастин Бибер, Селена Гомез зэрэг ододтой хамтран ажилласан туршлагатай хөгжмийн продюсер Жастин Трантер анхны дуунуудаа зориулан бүтээж байна.
"CoComelon: The Movie" киног найруулагч Кэт Гүүд удирдан бүтээж байгаа бөгөөд "DreamWorks Animation", "Moonbug Entertainment", "Flywheel Media" болон "Prime Focus Studios" компаниуд хамтран ажиллаж байна. Уг бүтээл 2027 оны хоёрдугаар сарын 19-нд кино театруудаар нээлтээ хийхээр товлогджээ.
