90-ээд оны алдарт Hanson хамтлагийг үүсгэн байгуулагчдын нэг, өдгөө 43 настай дуучин Taylor Hanson Америкийн «Dancing with the Stars» шоуны 35 дахь улирлын тэмцээнээ өндөрлүүллээ.
Мягмар гарагт (9-р сарын 29) цацагдсан «Yacht Rock Night» тусгай дугаарт үлдсэн 13 оролцогч yacht rock эрин үеийн хит дуунууд дээр бүжиглэсэн юм. Тейлор Хэнсон өөрийн хамтрагч, мэргэжлийн бүжигчин Бритт Стюарттай хамт цагаан хослолоор жигдрэн Doobie Brothers хамтлагийн «What A Fool Believes» дуун дээр Фокстрот төрлөөр бүжиглэжээ.
Гэвч шүүгчид болон үзэгчдийн санал хураалтаар тэд нийт 30 онооноос 18 оноо авч, шоунаас хасагдахаар болсон байна. Өмнөх дугааруудад Billy Joel болон DNCE хамтлагийн дуун дээр бүжиглэж байсан түүний энэ удаагийн үзүүлбэр өмнөхөөсөө илүү хөшүүн харагдсан гэж үнэлэгджээ.
Бүжигчин Бритт Стюарт түүний бэлтгэлдээ бүрэн зориулагдаж байсныг өмнө нь дурдаж, анх уулзахдаа л бэлтгэл хийхийн тулд бүжгийн студид ор тавиад хоноход ч бэлэн гэдгээ хэлж байсныг онцолсон байна.
Тейлор Хэнсон өмнө нь хасагдсан Коннер Ливитт, Сара Жейн Надер болон алдарт тогооч Жиада Де Лаурентис нарын араас шоуг орхиж буй дараагийн оролцогч боллоо. Тэрээр 1997 онд Hanson хамтлагийнхаа «MMMBop» дуугаар Billboard Hot 100 жагсаалтыг тэргүүлж байсан билээ.
