Америкийн поп дуучин Тэйлор Свифт Холливуудын жүжигчин Дакота Жонсоныг TIME сэтгүүлийн нэр хүндтэй “TIME100” жагсаалтад багтсантай холбогдуулан магтсан байна. TIME100 нь дэлхийн хамгийн нөлөө бүхий 100 хүнийг жил бүр шалгаруулдаг бөгөөд энэ жил Дакота Жонсон тэдний нэг болжээ.
Тэйлор Свифт Дакотагийн тухай “Түүний шударга зан үнэхээр сэтгэл сэргээм. Би түүний жинхэнэ хүн гэдгийг батлах болно” хэмээн бичсэн байна. Тэдний дотно нөхөрлөл олон жилийн өмнөөс эхэлсэн бөгөөд олон нийтийн сүлжээгээр дамжуулан бие биенээ дэмжиж, хайр хүндэтгэлээ илэрхийлсээр ирсэн.
Дакота Жонсон нь “50 Shades of Grey” киногоороо Монголын үзэгчдэд танигдсан билээ. Тэрээр Холливуудын хамгийн эрэлттэй жүжигчдийн нэг бөгөөд олон төрлийн кинонд дүр бүтээж, өөрийн авьяасыг харуулсаар байна.
Тэйлор Свифтийн хувьд дэлхий дахинд олон сая фэнтэй, поп хөгжмийн ертөнцийн хамгийн том ододдын нэг юм. Түүний дуунууд Billboard-ын чартуудыг тэргүүлж, олон шагнал хүртсэн бөгөөд тэрээр өөрийн хөгжмийн карьераас гадна бусад уран бүтээлчдийг дэмжиж, сайн үйлсийн аянд оролцдог билээ.
