Дэлхийн зах зээлд тогтвортой ханштай крипто валют буюу stablecoin-оороо танигдсан Tether компани өөрийн токенжуулалтын бизнесээ Саудын Арабын Вант Улсад өргөжүүлэхээр болсон байна.
Тус компани нь Саудын Арабын зах зээлд нэвтрэхдээ эхний ээлжинд байгууллагын түвшний үл хөдлөх хөрөнгийн хөрөнгө оруулалтуудыг токенжуулах чиглэлээр ажиллахаар төлөвлөж байгаа аж. Токенжуулалт гэдэг нь бодит хөрөнгийн эрхийг блокчейн сүлжээнд дижитал хэлбэрт оруулах үйл явц юм.
Tether-ийн зүгээс энэхүү алхмаа эхлэл төдий хэмээн тодорхойлсон бөгөөд цаашид үл хөдлөх хөрөнгөөс гадна өөр бусад төрлийн хөрөнгийн ангилалд ч мөн адил токенжуулалтын үйл ажиллагаагаа өргөжүүлэх зорилготой байгаагаа мэдэгдлээ.
