Америкийн алдартай рэппер Төри Лэйнз (жинхэнэ нэр нь Дейстар Петерсон) Калифорнийн шоронгийн системийг 100 сая доллараар шүүхэд өгсөн тухай Billboard мэдээллээ. Түүний өмгөөлөгчдийн мэдээлснээр, Төри Лэйнз 2025 оны 5-р сард шоронд байхдаа өөр хоригдогчийн халдлагад өртөж, 16 удаа хутгалуулсан байна.
Төри Лэйнз нь Меган Thee Stallion хэмээх рэппер бүсгүйг буудсан хэргээр 10 жилийн хорих ял эдэлж байгаа билээ. Тэрээр Лос Анжелес хотын шоронд ялаа эдэлж байхдаа дээрх халдлагад өртсөн бөгөөд түүний өмгөөлөгчид шоронгийн ажилтнуудыг хангалттай хамгаалалт хийгээгүй хэмээн буруутгаж байна.
Шүүхийн нэхэмжлэлд шоронгийн систем нь Лэйнзийг хамгаалах үүргээ биелүүлээгүй, улмаар түүний амь нас, эрүүл мэндэд аюул учруулсан гэж дурджээ. Мөн түүний бие махбодийн болон сэтгэл санааны хохирлыг барагдуулахын тулд 100 сая долларын нөхөн төлбөр шаардаж байгаа аж.
Төри Лэйнз нь сүүлийн жилүүдэд хуулийн маргаантай нэлээд холбоотой байсан бөгөөд энэ удаагийн хэрэг нь түүний хувьд нэлээд хүнд сорилт болж байна.
