Дэлхийн хагас дамжуулагч болон чип үйлдвэрлэлийн зах зээлийн гол тоглогч болох Taiwan Semiconductor Manufacturing Corp. (TSMC) компани өнгөрсөн зургаадугаар сарын санхүүгийн үзүүлэлтээ танилцууллаа.
Тус компанийн мэдээлснээр, тухайн сард олсон цэвэр орлого нь 67 хувиар өсөж, 13.2 тэрбум доллар хүрсэн байна. Энэ нь тус компанийн хувьд нэг сарын хугацаанд бүртгэгдсэн түүхэн дээд үзүүлэлт боллоо.
Энэхүү мэдээлэл нь TSMC компанийн удахгүй болох чухал үйл явдлын өмнө гарч байгаагаараа анхаарал татаж байна. Тодруулбал, тус компани пүрэв гарагт өөрийн улирлын санхүүгийн тайлангаа танилцуулахаар төлөвлөж байгаа юм.
