Америкийн алдарт реппер Tyga (жинхэнэ нэр нь Michael Ray Stevenson) кино урлагт хүч үзэхээр болжээ. Тэрээр ирэх жил нээлтээ хийх “Baby, You're a Star” нэртэй кинонд гол дүрийг бүтээхээс гадна киноны зохиолыг хамтран бичиж, продюсерээр ажиллах гэнэ. Энэ нь түүний хувьд анхны томоохон киноны дүр нь болох юм.
Киноны тухай дэлгэрэнгүй мэдээлэл одоогоор бага байгаа ч өсвөр насныхны тухай өгүүлэх драмын төрлийн кино байх бололтой. Tyga-тай хамт “Outer Banks” цувралаараа танигдсан залуу жүжигчин Мэдисон Бэйли (Madison Bailey) тоглох юм байна. “Outer Banks” бол Netflix-ийн өсвөр үеийнхэнд зориулсан, адал явдалт, нууцлаг цуврал бөгөөд олон улсад маш их алдартай.
Tyga-гийн хувьд энэ нь уран бүтээлийнхээ шинэ хуудсыг нээж буй хэрэг бөгөөд түүний фэнүүд киног тэсэн ядан хүлээж байгаагаа илэрхийлж байна. Реппер хүн кино урлагт хүч үзэж, зохиол бичиж, продюсер хийнэ гэдэг сонирхолтой туршлага байх болно гэж олон хүн үзэж байгаа юм.
“Baby, You're a Star” кино нь 2025 онд нээлтээ хийх төлөвтэй байна.
