Загварын ертөнцийн нөлөө бүхий хэвлэл болох Vogue сэтгүүл технологийн салбартай илүү ойртож байна. Тус сэтгүүлээс зохион байгуулдаг томоохон арга хэмжээ болох Vogue World ирэх жил Сан Франциско хотод болохоор төлөвлөгджээ.
Энэхүү шийдвэр нь технологийн салбарынхан буюу олон нийтийн дунд "тех-бро" хэмээн нэрлэгддэг хүмүүс загварын ертөнцийн чиг хандлагад томоохон байр суурь эзлэх болсныг илтгэх нэгэн дохио гэж ажиглагчид үзэж байна. Дэлхийн алдартай загварын сэтгүүл ийнхүү технологийн төв болсон хотыг сонгосон нь тус салбарынхныг загварын ертөнцийн нэг хэсэг болсныг баталж буй мэт харагдаж байна.
