Америкийн Коачелла хөгжмийн наадамд поп хатан хаан Мадонна гэнэтийн бэлэг барьж, залуу дуучин Сабрина Карпентертай хамтран тайзнаа гарч ирлээ. Сабрина Карпентер гэж хэн бэ гэхээр, Америкийн залуу дуучин, жүжигчин бөгөөд сүүлийн үед поп хөгжмийн ертөнцөд хүч түрэн орж ирж байгаа оддын нэг юм.
Тэд хамтдаа Мадоннагийн алдарт Vogue, Like a Prayer дуунуудаас гадна Мадоннагийн удахгүй гарах 'Confessions II' цомгийн шинэ дууг анх удаа олон нийтэд толилуулсан байна. Энэхүү гэнэтийн тоглолт нь Коачеллад цугласан фэнүүдийг гайхшруулж, цахим орчинд шуугиан тариад байна.
Мадоннагийн хувьд энэ тоглолт нь түүний тайзнаа эргэн ирж буй нэгэн дохио болж байгаа бөгөөд тэрээр сүүлийн жилүүдэд эрүүл мэндийн асуудлаас болж тоглолтоо хойшлуулж байсан билээ. Харин Сабрина Карпентертай хамтарч дуулсан нь түүний залуу үеийн уран бүтээлчидтэй хэрхэн хөл нийлүүлэн алхаж байгааг харуулж байна.
Коачелла наадам бол жил бүр зохион байгуулагддаг Америкийн хамгийн том хөгжмийн наадмуудын нэг бөгөөд дэлхийн өнцөг булан бүрээс хөгжим сонирхогчид цуглардаг билээ. Энэ жилийн наадамд Мадонна, Сабрина Карпентер нараас гадна олон алдартай уран бүтээлчид оролцож байгаа юм.
