Биткойнд чиглэсэн необанк буюу онлайн банкны үйлчилгээ үзүүлэгч Wavespace компани Европын холбооны крипто хөрөнгийн зах зээлийн зохицуулалт болох MiCA-д нийцсэн шинэ бүтээгдэхүүнээ танилцууллаа. Тус компани нь хэрэглэгчийн өөрийн хяналтад байх wavecard® нэртэй Биткойн дебит картыг зах зээлд гаргаад байна.
Энэхүү шинэ карт нь Nostr Wallet Connect (NWC) технологийг ашигладаг бөгөөд хэрэглэгчийн Lightning сүлжээний зангилаатай (node) шууд холбогддог онцлогтой. Ингэснээр карт нь хэрэглэгчийн хөрөнгийг автоматаар цэнэглэх боломжийг бүрдүүлж байгаа юм. Энэхүү технологийн шийдэл нь уламжлалт крипто картуудад түгээмэл байдаг, хөрөнгөө гуравдагч талд хадгалуулах буюу «custodial» үйлчилгээнээс үүсэх эрсдэлийг арилгаж байгаагаараа онцлогтой.
Wavespace компанийн энэхүү алхам нь MiCA буюу Крипто хөрөнгийн зах зээлийн зохицуулалтын шаардлагыг бүрэн хангаж байгааг Bitcoin Magazine онцолсон байна. Ингэснээр хэрэглэгчид өөрийн Биткойныг гуравдагч этгээдийн хадгаламжид байршуулах шаардлагагүйгээр дебит картаар төлбөр тооцоо хийх боломжтой болж байна.
