Блокчэйн технологийн WEMIX платформд аюулгүй байдлын зөрчил гарч, халдагч этгээд их хэмжээний хөрөнгө шилжүүлсэн байна. Тодруулбал, WEMIX$-тэй холбоотой гэрээнд халдлага гарсны улмаас 724,198 USDC.e хэмжээний хөрөнгө алдагджээ.
Энэхүү халдлагын дараа WEMIX платформ нь өөрийн сүлжээний гүүр (bridge), хөрвөх чадварын сангийн арилжаа (liquidity-pool trading) болон бусад хэд хэдэн үйлчилгээний ажиллагааг түр хугацаанд зогсоох шийдвэр гаргасан байна.
Койнтелегрэф (Cointelegraph) мэдээллийн эх сурвалжийн мэдээлснээр, халдагч этгээд гэрээний цоорхойг ашиглан дээрх хэмжээний хөрөнгийг шилжүүлсэн бөгөөд одоогоор тус платформ аюулгүй байдлын арга хэмжээнүүдийг авч ажиллаж байна. Одоогоор үйлчилгээнүүдийг сэргээх эсвэл халдлагын хохирлыг бүрэн тооцоолсон талаарх нэмэлт мэдээлэл гараагүй байна.
