WNBA буюу эмэгтэйчүүдийн сагсан бөмбөгийн лигийн 30 жилийн ойн хүрээнд зохион байгуулагдсан бүх оддын тоглолт түүхэн үйл явдлаар дүүрэн өнгөрлөө. Тус тоглолтын үеэр Сиэтл Сторм багийн төвийн тоглогч, 20 настай Доминик Малонга тохолт хийсэн нь олны анхаарлыг ихэд татаад байна.
Тоглолтын хоёрдугаар үеийн 6:27 минутын үед Team Spoon баг 48-45 харьцаагаар тэргүүлж байх үед Анжел Риз бөмбөгийг Малонга руу дамжуулсан байна. Энэ үед хамгаалалтын шугамд цоорхой гарч, Малонга саадгүйгээр довтолж, хүчтэй тохолт гүйцэтгэжээ. Энэхүү амжилттай гүйцэтгэлийн дараа тэрээр Анжел Ризтэй баяраа хуваалцан, цээж тулган мэндчилсэн юм.
Энэхүү тохолт нь WNBA-ийн бүх оддын тоглолтод дөрвөн жил гаруйн хугацаанд гараагүй ховор үзэгдэл болсон бөгөөд Малонга нь түүхэнд энэ төрлийн амжилтыг үзүүлсэн долоо дахь тоглогч боллоо. Түүнчлэн, тэрээр бүх оддын тоглолтод 12 оноо, 13 самбараас бөмбөг авалттайгаар дабль-дабль хийсэн хамгийн залуу тоглогч болсон байна. Малонга нь өмнө нь багийнхаа төлөө 63 тоглолт хийхдээ нэг ч удаа тохолт хийж байгаагүй юм.
Энэхүү түүхэн агшныг үзэгчид болон бусад тоглогчид өндрөөр үнэлсэн бөгөөд Team Spoon баг эцсийн дүндээ 129-122 харьцаагаар ялалт байгууллаа. Мөн тус тоглолтыг Юнайтед Сентрт 17,963 үзэгч үзэж сонирхсон байна.
