Америкийн алдарт рэппер, продюсер Канье Уэст (одоо Ye нэрээрээ алдартай) Франц улсын Марсель хотод зургадугаар сард тоглохоор төлөвлөж байсан тоглолтоо цуцалсан байна. Энэ тухай мэдээлэл Wireless Festival-д оролцох эрхийг нь хассаны дараа олон нийтэд ил болжээ.
Тоглолт цуцлагдсан шалтгааныг одоогоор тодорхой тайлбарлаагүй байгаа бөгөөд зөвхөн "цаашид мэдэгдэл гарах хүртэл" гэсэн ерөнхий мэдэгдэл хийсэн байна. Канье Уэстийн хувьд сүүлийн жилүүдэд олон нийтийн анхаарлын төвд байж, маргаантай үйлдэл, мэдэгдлүүдээрээ олны шүүмжлэлд өртөөд байгаа билээ. Үүнтэй холбоотойгоор түүний тоглолтууд цуцлагдах, хориглогдох тохиолдол цөөнгүй гарч байна.
Канье Уэст нь дэлхий дахинд нэр хүндтэй, олон сая фэнтэй ч түүний сүүлийн үеийн үйлдлүүд нь фэнүүдийнх нь дунд ч гэсэн эргэлзээ төрүүлж байгаа юм. Марсель хотын тоглолт цуцлагдсан нь залуу үеийнхний дунд түүний нэр хүндэд хэрхэн нөлөөлөхийг цаг хугацаа харуулах биз ээ.
