АНУ-ын Төрийн нарийн бичгийн дарга Марко Рубио мягмар гарагт Исланд улсад айлчлах үеэрээ тус арлыг аюулгүй байдлын хувьд эртнээс “чухал түшиц газар” байсаар ирсэн хэмээн мэдэгдлээ. Энэхүү айлчлал нь АНУ Арктикийн бүс нутагт өөрийн нөлөөгөө бэхжүүлэх, өргөжүүлэх эрмэлзэлтэй байгаа энэ үед тохиож байна.
АНУ-ын Ерөнхийлөгч Дональд Трамп Гренландыг худалдаж авах эсвэл өөртөө нэгтгэх тухай сүрдүүлэг гаргаж, бүс нутгийн хүчний тэнцвэрт байдлыг хөндөөд байсан цаг үед уг айлчлал болж буй юм.
Түүнчлэн АНУ есдүгээр сарын сүүлчээр Дани болон Гренландтай аюулгүй байдлын гэрээ байгуулсан билээ. Тус тохиролцооны дагуу Вашингтон бүс нутагт цэргийн шинэ хоёр бааз байгуулах боломжтой болж байгаа юм.
