АНУ-ын засаг захиргаа Ираны дайнд баримтлах гол зорилгоо өөрчилж, цөмийн хөтөлбөрийн асуудлаас илүүтэйгээр өөрийн орны хэрэглэгчдэд очих бензиний үнийг хямдруулахыг нэн тэргүүний зорилтоо болгон зарлалаа.
Пүрэв гарагт АНУ-ын Дэд ерөнхийлөгч Ж.Д. Вэнс мэдэгдэл хийхдээ, Ираны дайнд АНУ-ын баримтлах хамгийн гол тэргүүлэх чиглэл нь Ираны цөмийн хөтөлбөр байхаа больсон бөгөөд үүний оронд Америкийн хэрэглэгчдэд очих шатахууны үнийг бууруулах явдал болсон гэдгийг онцолсон байна. Үүний зэрэгцээ тус улсын Сангийн сайд Скотт Бессент Тегераныг сульдуулах зорилготой эдийн засгийн шинэ шийтгэл, хориг арга хэмжээнүүдийг тун удахгүй авч хэрэгжүүлэх гэж байгааг нэмж мэдэгджээ.
АНУ-ын өндөр албан тушаалтнуудын хийсэн эдгээр мэдэгдлүүд нь Тегеран хот Ормузын хоолойг хааснаар хэр зэрэг хүчтэй нөлөөллийн хөшүүрэгтэй болсныг харуулж байна гэж эх сурвалжид дурджээ. Ираныг цөмийн зэвсэгтэй болохоос сэргийлэх явдал нь өмнө нь АНУ-ын тууштай баримталж ирсэн гол чиглэл байсан юм.
