АНУ-ын Ерөнхийлөгч Дональд Трампын засаг захиргаа ням гарагт хойд хөрш Канадад хандан анхааруулга гаргалаа. Тэд АНУ-тай хийх худалдааны дайнд ялна гэж найдах нь «тэнэг хэрэг» болохыг сануулж, энэ нь Канадад сүйрлийн хэмжээний хохирол учруулна гэдгийг мэдэгдсэн байна.
Вашингтон болон Оттавагийн хооронд хийгдэж байсан хэлэлцээ баасан гарагийн орой мухардалд орсноор АНУ-ын зүгээс шинэ тарифыг хүчин төгөлдөр мөрдүүлж эхэлжээ. Энэхүү шийдвэрийн хүрээнд Канадын 20 тэрбум ам.долларын үнэ бүхий бараа бүтээгдэхүүнд 50 хувийн тариф ногдуулж байгаа бөгөөд энэ нь Канадаас АНУ-д нийлүүлдэг нийт экспортын 5.5 хувийг эзэлж байна.
Харин Канад улс АНУ-ын энэхүү алхмын хариуд ижил хэмжээний тариф ногдуулж, хариу арга хэмжээ авахаа мэдэгдээд байна.
