Америкийн Нэгдсэн Улсын хямд үнэтэй агаарын тээврийн компани болох Spirit Airlines санхүүгийн хүндрэлд орж, дампуурлаа зарласнаар үйл ажиллагаагаа бүрэн зогсоохоор болсон байна. Энэ нь Ираны дайны улмаас агаарын тээврийн салбарт гарч буй анхны томоохон хохирол болж байгаа юм.
“Spirit Airlines” нь Америкийн зах зээлд хямд үнээр нислэг үйлчилгээ үзүүлдэг компани бөгөөд ялангуяа залуучууд, жуулчдын дунд ихээхэн эрэлттэй байсан. Дайны улмаас онгоцны түлшний үнэ хоёр дахин өссөн нь компанийн санхүүд маш хүндээр туссан гэж шинжээчид үзэж байна.
АНУ-ын Ерөнхийлөгч Дональд Трамп компанийг аврахын тулд 500 сая долларын тусламж үзүүлэх санал тавьсан ч Конгресс болон зарим зөвлөхүүд нь эсэргүүцсэн юм. Компанийн үйл ажиллагаа зогссоноор олон мянган ажилтан ажилгүй болж, АНУ-ын эдийн засагт сөргөөр нөлөөлөх магадлалтай байна.
Энэхүү үйл явдал нь дэлхий нийтээрээ тогтворгүй байгаа геополитикийн нөхцөл байдал нь агаарын тээвэр зэрэг томоохон салбаруудад хэрхэн нөлөөлж болохыг харуулж байна.
