АНУ-д ирэх 11 дүгээр сард болох завсрын сонгууль ойртож буй энэ үед Ерөнхийлөгч Дональд Трамп болон Бүгд найрамдах намыг 2024 онд дэмжиж байсан зарим Энэтхэг гаралтай иргэдийн дэмжлэг соригдож байгааг шинжээчид онцолж байна.
Шинжээчдийн үзэж буйгаар цагаачлалын хязгаарлалт, амьжиргааны өртгийн өсөлт болон АНУ-Энэтхэгийн харилцаанд үүссэн таагүй уур амьсгал зэрэг нь зарим сонгогчдын байр сууринд нөлөөлж байж болзошгүй хүчин зүйлс болж байгаа аж.
Өнгөрсөн наймдугаар сард AAPI Data болон Asian and Pacific Islander American Vote байгууллагаас нийтэлсэн судалгаагаар, Энэтхэг гаралтай оролцогчдын 66 хувь нь АНУ-ын Төлөөлөгчдийн танхимын сонгуульд Ардчилсан намын нэр дэвшигчдийг илүүд үзэж байгаагаа илэрхийлжээ. Харин судалгаанд оролцогчдын 18 хувь нь Бүгд найрамдах намын нэр дэвшигчдийг дэмжих саналтай байгаагаа илэрхийлсэн байна.
